Вехі гісторыі

Днём нараджэння мінскага «Дынама» прынята лічыць дату першага дакументальна пацверджанага матча каманды. Адбыўся ён 18 чэрвеня 1927 года ў Смаленску, дзе мінчукі сустрэліся з мясцовымі аднаклубнікамі і атрымалі першую ў сваёй гісторыі перамогу — 2:1. У там жа 1927 годзе «Дынама» паклала ў сваю скарбонку і першы трафей, выйграўшы чэмпіянат БССР.

«Дынама» Мінск атрымлівае статус каманды майстроў і робіцца ўладальнікам Кубка Беларускай ССР.

Каманда «Дынама» Мінск улучана ў склад удзельнікаў Класа «А» чэмпіянату СССР. Аднак «Дынама» згуляла ў тым фатальным годзе ўсяго сем матчаў. Далей была вайна...

У сезон 1954 года каманда ўступіла з новай назвай. Футбалісты і трэнеры мінскага «Дынама», якія заваявалі права выступаць у класе «А», былі залічаны ў склад футбольнай каманды майстроў «Спартак». Змена назвы станоўча адбілася на гульні мінчукоў, якія ўпершыню ў гісторыі клуба заваявалі бронзавыя медалі ўсесаюзнага першынства.

Футбольны клуб ізноў быў перайменаваны. Гэтым разам у «Беларусь», якой трэба было бараніць гонар рэспублікі ў змаганні з лепшымі футбольнымі калектывамі краіны. «Беларусь» была ўкамплектавана футбалістамі мінскага «Спартака» і «Ураджаю» і ўзмоцнена гульцамі з іншых клубаў краіны.

Скончылася кароткая гісторыя каманды пад назвай «Беларусь», і «Дынама» вярнулася да свайго гістарычнага імя.

Вярнуўшыся да дынамаўскіх вытокаў, каманда заваявала бронзавыя медалі чэмпіянату СССР.

Мінскае «Дынама» выйшла ў фінал Кубку СССР, дзе ў зацятым змаганні саступіла маскоўскаму «Спартаку».

Мінскае «Дынама» ўпершыню ў гісторыі заваявала тытул чэмпіёна Савецкага Саюзу. Чэмпіянат 1982 года мінчукі пачалі без разварушвання. Сваім атакуючым прынцыпам яны не здраджвалі нават на чужых палях. Дзейнічалі адважна і вынікова, фінішаваўшы на вяршыні.

«Залаты поспех» 1982 года даў мінчукам магчымасць на наступны год паспрабаваць свае сілы ў самым прэстыжным еўрапейскім турніры — Кубку чэмпіёнаў. У чэмпіянаце СССР 1983 года мінскае «Дынама» выглядала па-ранейшаму яскрава і самабытна. Не хапала толькі стабільнасці, што адрознівала мінчукоў у чэмпіёнскім сезоне. На гэты раз каманда фінішавала з бронзавымі медалямі.

Мінскае «Дынама» згуляла ў чвэрцьфінале Кубка чэмпіёнаў. Першы паход мінчукоў за еўрапейскім кубкам быў спынены іх аднаклубнікамі з Бухарэсту, пасля нічыёй у Тбілісі з мінімальным рахункам 1:0, якія выйгралі на сваім полі.

У чвэрцьфінале Кубку УЕФА «Дынама» (Мінск) не змагло пераадолець югаслаўскі бар'ер, саступіўшы сараеўскаму «Жалезнічару» на выездзе (0:2) і згуляўшы ў нічыю дома (1:1).

Мінскае «Дынама» выйшла ў фінал Кубку СССР, але ў драматычнай барацьбе саступіла ў серыі пасляматчавых пенальці кіеўскім аднаклубнікам. І ўсё ж, фіналіст Кубка СССР дэбютаваў у Кубку Кубкаў.

У якасці фіналіста Кубка СССР мінскае «Дынама» дэбютавала ў Кубку кубкаў. Непераадольнай перашкодай на шляху мінчукоў у паўфінале стаў бельгійскі «Мехелен»: 0:1 — у гасцях, 1:1 — у хатнім матчы.

З распадам Савецкага Саюзу мінскае «Дынама» пачало выступаць у чэмпіянаце Беларусі і адразу ж заваявала чэмпіёнскі тытул і Кубак.

Каманда, укамплектаваная наймоцнымі футбалістамі рэспублікі, была практычна непераможная і лёгка выйграла другое чэмпіёнства і Кубак сезону.

Яшчэ адзін паспяховы сезон для мінскага «Дынама». Каманда зноў зрабіла дубль, выйграўшы чэмпіянат і Кубак.

Гэты год умясціў у сябе два чэмпіянату (поўны і скарочаны восеньскі). «Дынама» выйграла абодва, нягледзячы на тое, што супернікі з кожным годам усё гучней заяўлялі пра свае прэтэнзіі на чэмпіёнскі трон.

Мінскае «Дынама» вярнула сабе чэмпіёнскі тытул, упушчаны ў папярэднім годзе, але было відавочна, што каманда ступае ў эпоху ліхалецця.

Змяніўся ўласнік клуба — старшынёй кіравання ЗАТ «Дынама-Мінск» пагадзіўся стаць вядомы ў краіне мецэнат і бізнэсоўца, кіраўнік фірмы «Трайпл» Юры Чыж. З гэтага моманту дынамаўскія справы пайшлі на лад. Каманда вярнула сабе лідарскія пазіцыі ў айчынным футболе.

Каманда заваявала бронзавыя медалі чэмпіянату Беларусі.

Мінскае «Дынама» спынілася ў кроку ад чэмпіёнскага тытула, завяршыўшы першынство на другім радку ў турнірнай табліцы.

Заваяваўшы Кубак Беларусі, мінскае «Дынама» дадало яшчэ адзін трафей у сваю буйную калекцыю. У чэмпіянаце каманда была не такая пераканаўчая, здавольваўшыся толькі бронзавымі медалямі.

Дэманструючы на працягу ўсяго сезону відовішчны атакуючы футбол, мінскае «Дынама» заваявала доўгачаканы чэмпіёнскі тытул.

Насуперак спадзяванням, каманда не змагла адстаяць чэмпіёнскі тытул і завяршыла чэмпіянат на другім месцы.

Яшчэ адзін срэбны сезон мінскага «Дынама». Праўда, да апошняга моманту каманда захоўвала добрыя шанцы на чэмпіёнства.

Гэты супярэчлівы год прынёс мінскаму «Дынама» срэбныя медалі нацыянальнага першынства.

Уражлівага фінішнага спурту мінскаму «Дынама» не хапіла, каб ўзлезці на вяршыню - зноўку другія.

Мінскае «Дынама» было як ніколі блізкае да выхаду ў групавы этап Лігі Еўропы, але ў плэй-оф раўндзе мінчукі двойчы саступілі «Бруге» (1:2 - на выездзе, 2:3 - дома).

Пасля двух гадоў без медалёў мінскае «Дынама» вярнулася ў прызёры, завяршыўшы чэмпіянат на трэцім месцы.

Праз 10 гадоў з моманту апошняй заваёвы Кубку Беларусі «Дынама» зноў выходзіць у фінал прэстыжнага турніру, але прайграе ў серыі пасляматчавых пенальці. У Лізе Еўропы каманда праходзіць два этапы і выходзіць у трэці кваліфікацыйны раунд. Другі год запар «Дынама» скончвае чэмпіянат на трэцім месцы, заваяваўшы бронзавыя медалі.

Маючы рэальныя шанцы выйграць чэмпіянат каманда, тым не менш, у каторы раз прыходзіць на фініш другі. Упершыню ў найноўшай гісторыі «Дынама», прайшоўшы тры адборачныя раўнда, выходзіць у групавы этап Лігі Еўропы.

Правёўшы неадназначны сезон «Дынама», тым не менш, зноў займае другое месца ў чэмпіянаце. У Лізе Еўропы бела-блакітныя зноў пераадольваюць тры адборачныя раўнда і перамогшы "Зальцбург" ў драматычнай серыі пенальці другі год запар выходзяць у групавы этап Лігі Еўропы, дзе атрымоўваюць першую хатнюю перамогу ў гэтым спаборніцтве - над пльзеньской "Вікторыяй".

У чэмпіянаце краіны «Дынама» фінішуе на трэцім месцы. У Лізе Еўропы паўтарыць дасягненне папярэдніх гадоў не ўдалося - прайшоўшы два раўнда кваліфікацыі «Дынама» спатыкаецца ў трэцім і не выходзіць у групавы этап.

На працягу ўсяго чэмпіянату «Дынама» прэтэндавала на перамогу ў першынстве, і, пры роўнасці балаў падзяліўшы на фінішы 1-2 месца, саступіла залатыя медалі толькі па дадатковых паказчыках .... У Лізе Еўропы каманда праходзіць два раўнда кваліфікацыі, спатыкаецца ў трэцім і не трапляе ў групавы этап.

На працягу першай паловы сезону «Дынама» ўпэўнена трымалася ў лідзіруючай тройцы, паспяхова выступала ў кваліфікацыі Лігі Еўропы. Балючая параза ў 3-м раўндзе ад піцерскага «Зеніта» (5:8 па суме двух матчаў) адбілася і на далейшым выступленні ў чэмпіянаце. Як вынік - 3 месца.