Наступны матч Макслайн 24 лютага (11:00) (д)
Live
BLR
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Юнацкая Ліга УЕФА - лёсаванне ўжо заўтра.

26.01.2021

Як вядома, юнацкая каманда мінскага «Дынама» 2001-2002 гадоў нараджэння па выніках сезону 2019/2020 стала чэмпіёнам Беларусі. Але акрамя залатых медалёў падапечныя Уладзіміра Дзятлава ўпершыню ў гісторыі нашага клуба заваявалі права на ўдзел у юнацкай Лізе УЕФА. І ўжо заўтра дынамаўцы даведаюцца імя свайго суперніка ў першым адборачным раўндзе (1/32 фіналу Юлу 2020/2021).

 

27 студзеня ў швейцарскім Ньёне пройдзе лёсаванне для 64-х удзельнікаў турніру (32 каманды Шляхі Лігі Чэмпіёнаў і 32 каманды Шляхі Нацыянальных Чэмпіёнаў). Лёсаванне пачнецца ў 14:00 па мінскім часе, а матчы 1/32 фіналу адбудуцца 2 ці 3 сакавіка.

Фармат спаборніцтваў у бягучым сезоне прыйшлося змяніць з нагоды пандэміі COVID-19: увосень 2020 года матчы не праводзіліся і турнір быў перанесены на весну наступнага года. Гэты розыгрыш Юлу будзе складацца толькі з аднаматчавых супрацьстаянняў на вылет, якія пачнуцца з 1/32 фіналу (групавы этап для каманд Шляхі Лігі Чэмпіёнаў быў таксама адменены).

Пераможца юнацкага першынства Беларусі ў старэйшай узроставай катэгорыі (U-18), футбольны клуб «Дынама-Мінск» будзе выступаць па Шляхах Нацыянальных Чэмпіёнаў, якія правядуць паміж сабой матчы 1/32 фіналу (2-3 сакавіка) і 1/16 фіналу (6-7 красавіка). Пары будуць сфармаваныя з дапамогай сляпога лёсавання. Пры гэтым, УЕФА падзяліла ўсе каманды на 4 групы па геаграфічным прынцыпе, каб камандам не даводзілася пераадольваць вялікія адлегласці.

 

 

Такім чынам, супернікам дынамаўцаў стане адна з наступных каманд: «Чартанава» (Расія), «Кайрат» (Казахстан), «Габала» (Азербайджан), «Макабі Хайфа» (Ізраіль), «Лудагорац» (Балгарыя), «Шкендыя» (Македонія) або «Шэрыф» (Малдова).

Пачынаючы з 1/8 фіналу (20-21 красавіка), два шляхі аб'яднаюцца: восем каманд Шляхоў Лігі Чэмпіёнаў і восе каманд Шляхоў Нацыянальных Чэмпіёнаў згуляюць адзін з адным. Чвэрцьфіналы пройдуць 4-5 траўня, паўфіналы - 17 траўня, а фінал запланаваны на 20 траўня.

На Шляхах Лігі Чэмпіёнаў згуляюць 32 каманды, асноўныя склады якіх стартавалі ў цяперашнім розыгрышы дарослай Лігі Чэмпіёнаў.

Теги: Школа