Маладзёжнае першынство 2020/2021, новыя матчы "ліцэнзіі".
Прапануем вынікі матчаў маладзёжнага першынства Беларусі, згуляных на выходных.
Каманда 2003 года нараджэння згуляла ўнічыю з БАТЭ. Першымі адкрылі лік супернікі на 28-ай хвіліне гульні. Да канца другога тайма Бакінаўскі здолеў яго зраўняць, аднак выйсці наперад дынамаўцы ўжо не паспелі. Вынік матчу - 1:1.
Каманда 2004 года нараджэння мінімальна перагуляла аднагодкаў з «Іслачы» ў выязным матчы (1:0 на карысць бела-блакітных): адзіны гол на заключных хвілінах забіў Фрэйтак.
Каманда 2005 года нараджэння атрымала разгромную перамогу ў Жодзіне - 10 безадказных галоў забілі супернікам з «Тарпеда-БелАЗ» падапечныя Уладзіміра Дзятлава. Хет-трык у Макарава і Бандарэнкі, таксама ў матчы адзначыліся Чачоткін, Барысевіч, Дубовік і Асавялюк.
Каманда 2006 года нараджэння адолела каманду з Магілёва СДЮШАР «Днепр». Покер у матчы аформіў Мельнічэнка, таксама галы на рахунку Апяцёнка, Жачко і Баранава.
Жаночая каманда 2005 года нараджэння на гэтым тыдні стартавала ў маладзёжным першынстве сярод дзявочых каманд сезону-2021. У першым туры выхаванкі Андрэя Махнача згулялі з «Вясёлкай» і адолелі каманду з рэкордным лікам 37-0. Галы ў матчы забівалі: Сіняўская (11 галоў), Харашчак (8 галоў), Новікава (6 галоў), Сташкова (4 галы), Чарлёнак (3 галы), Магер (2 галы), Махмедова, Узун і Уракава.
Жаночая каманда 2007 года нараджэння пачала свой шлях у маладзёжным першынстве сярод дзявочых каманд U-15. Першы матч скончыўся для дзяўчынак перамогай над ДЮСШ «Маладзечна» з лікам 9-0. Хет-трык у Кавалёвай, дубль у Сасноўскай і Радкевіч, таксама адзначыліся Фадзеева і Гузоўскай.
Расклад наступных матчаў:
U-18: «Дынама-Мінск» vs «Віцебск», 24 красавіка, 13:00 (стадыён «Дынама-Юні»);
U-17: «Дынама-Мінск» vs «Мінск», 24 красавіка, 15:30 (стадыён «Дынама-Юні»);
U-16: «Дынама-Мінск» vs БАТЭ, 24 красавіка, 17:30 (стадыён «Дынама-Юні»);
U-15: «Дынама-Мінск» vs «Гомель», 25 красавіка, 13:30 (стадыён «Дынама-Юні»);
ДаМыДинамо U-17: ДЮСШ «Клімавічы» vs «Дынама-Мінск», 29 красавіка, (ДЮСШ «Клімавічы»);
ДаМыДинамо U-15: «Дынама-Мінск» vs «Тарпеда-БелАЗ», 3 траўня, (стадыён «Дынама-Юні»);
