Маладзёжнае першынство 2020/2021, новыя матчы "ліцэнзіі".

Распавядаем аб выніках матчаў маладзёжнага першынства Беларусі, згуляных на выходных.


Каманда 2003 года нараджэння пацярпела першую паразу ў гэтым сезоне: выхаванцы Міхаіла Мустыгіна не змаглі перагуляць «Мінск». Дынамаўцы першымі павялі ў ліку (вызначыўся Шадзько), але літаральна праз некалькі хвілін супернікі зраўнялі лік, а на 65-ай хвіліне павялічылі перавагу (выніковы лік 1-2 на карысць «гараджан»).

Каманда 2004 года нараджэння ў хатнім матчы 11 тура перамагла «Гомель» з лікам 2-1. У бела-блакітных першы гол на рахунку Краўчанкі, павялічыў перавагу Фрэйтак.

Каманда 2005 года нараджэння на выездзе правяла матч 13 тура супраць «Іслачы», які скончыўся безгалявой нічыёй.

Каманда 2006 года нараджэння атрымала ўпэўненую перамогу над «Тарпеда-БелАЗ», гульня завяршылася з лікам 4-0 на карысць бела-блакітных. Дубль у Макарэвіча, таксама забівалі Тарналіцкі і Васкабойнікаў.

Расклад наступных матчаў:

U-18: «Нёман» vs «Дынама-Мінск», 20 сакавіка, 15:30 (СДЮШАР «Нёман»);

U-17: «Дынама Брэст» vs «Дынама-Мінск», 20 сакавіка, 15:45 (стадыён ЦАР);

U-16: «Мінск» vs «Дынама-Мінск», 20 сакавіка, 12:00 (стадыён ФК «Мінск»);

U-15: «Дынама-Мінск» vs СДЮШАР «Івацэвічы», 21 сакавіка, час будзе паведамлены дадаткова (стадыён «Дынама-Юні»);