Зорны мяч 2020 - вынікі года.

10.12.2020

Падвядзенне вынікаў мінулага футбольнага сезону.

 

 

 

 

 

Адбылася ўрачыстая цырымонія закрыцця футбольнага сезону «Зорны мяч-2020». Безумоўнымі хэдлайнерамі гэтага вечара сталі футбалісткі нашай жаночай каманды

 

 

Прадстаўніцы «Дынама-БДУФК» забралі шэсць з сямі намінацый ў жаночым футболе! Свае ўзнагароды атрымалі:

Наталля Мунцяну - найлепшая брамніца чэмпіянату

Настасся Новікава - найлепшая абаронца чэмпіянату

Настасся Ліннік - найлепшая паўабаронца чэмпіянату

Салімата Сімпарэ - найлепшая бамбардзірша чэмпіянату

Ганна Піліпенка - найлепшы гулец чэмпіянату!

Ну а найлепшым трэнерам быў абраны Юры Іванавіч Малееў, які прывёў «Дынама-БДУФК» да перамог у чэмпіянаце і кубку краіны. Віншуем нашых футбалістак і трэнера з абсалютна заслужанымі ўзнагародамі. Жадаем далейшага прагрэсу і спадзяемся, што ў наступным годзе вы зможаце паўтарыць гэты яркі поспех.


Таксама былі абвешчаныя сімвалічныя зборныя чэмпіянатаў. У каманду «Б» патрапіў наш паўабаронца Уладзіслаў Клімовіч.

 

 

Такім чынам, сезон-2020 афіцыйна завершаны. Мы зноўку дзякуем усім, хто падтрымліваў нас у гэтым годзе і быў з намі, нягледзячы ні на што. Наперадзе міжсезонне, шмат важных навін і сюрпрызаў. Верым, што наступны сезон стане для нас значна больш удалым і абавязкова запомніцца кожнаму заўзятару

Каментарыi

Для таго, каб пакінуць каментар, неабходна аўтарызавацца на сайце