Трансферныя навіны

13.02.2019

Мінскае «Дынама» заключыла кантракт з Андрэем Залескім

 

 

 

 

 

Сёння мінскае «Дынама» заключыла кантракт з абаронцам Андрэем Залескім.

Андрэй Залескі - ураджэнец горада Навагрудак. Займацца футболам пачаў у ДЮСШ горада Ліды. Першым трэнерам быў В. Ю. Янчаускас.

Прафесійную кар'еру Андрэй пачаў у мінскім «Дынама» у 2008 годзе, выступаў за дубль. 7 верасня 2008 г. дэбютаваў у асноўным складзе ў матчы 1/16 фіналу Кубка Беларусі «Белшына» - «Дынама» - 2:0, на 59-й хвіліне выйшаўшы на замену.

А ў сезоне 2009 дэбютаваў і ў чэмпіянаце Беларусі. Адбылося гэта 27 верасня 2009 года. Мінскае «Дынама» прымала мікашэвіцкі «Граніт» і выйграла 1:0. Залескі адыграў 86 хвілін і быў заменены за 4 хвіліны да канца матчу.

 

 

Правёўшы два сезона ў арэндзе ў клубе «Бяроза-2010» Залескі быў ізноў закліканы пад сцягі асноўнага складу мінскага «Дынама» і ў сезоне 2014 года правёў за наш клуб 19 матчаў у чэмпіянаце Беларусі і кваліфікацыі Лігі Еўропы.

 

 

У канцы 2014 пакінуў «Дынама» па заканчэнні кантракту. У далейшым выступаў у ФК «Слуцк» і «Дынама» (Брэст).

Усяго ў вышэйшай лізе чэмпіянату Беларусі згуляў 124 матчы, у якіх забіў 1 гол і аддаў 7 галявых перадач.

Вітаем Андрэя Залескага ў нашых шэрагах і жадаем яму высокіх спартыўных вынікаў у складзе мiнскага «Дынама»!

 

 

 

 

 


 

Каментарыi

Для таго, каб пакінуць каментар, неабходна аўтарызавацца на сайце
Навіны па тэгах